Բժշկական օգնություն
«Լույս հայի աչքերին» ծրագիրը նպատակ ունի կանխարգելել ձեռքբերովի կուրությունը` Հայաստանի բոլոր համայնքների բնակիչների համար բարձրորակ ակնաբուժական ծառայությունները հասանելի դարձնելով:
Ծրագրի շրջանակներում ՀԱՆ-ի աչքի շարժական հիվանդանոցը մարզերի գյուղական ու քաղաքային համայնքներ`իրականացնելու հետևյալ աշխատանքները`
- ընդհանուր ակնային զննումներ մեծահասակների և երեխաների համար,
- խորացված հետազոտություն, վիրահատություն կամ լազերային բուժում ԱՇՀ-ում,
- ակնոցի նշանակում, իսկ անապահով խմբերին նաև` ակնոցի տրամադրում:
Ակնային հիվանդությունները վաղ հայտնաբերելու և ժամանակին բուժելու նպատակով հատուկ ուշադրություն է դարձվում կուրության պատճառ դարձող մի շարք ակնային հիվանդությունների հայտնաբերմանը, ինչպես օրինակ` կատարակտի, գլաուկոմայի, շաքարախտային ցանցենախտի, մակուլյար դիստրոֆիայի և այլն:
2002 թ. ամերիկյան հանգանակությունների շնորհիվ ստեղծվել և Հայաստան է բերվել Աչքի շարժական հիվանդանոցը (այսուհետ` ԱՇՀ), որն անվճար ակնաբուժական ծառայություններ մատուցելու նպատակով շրջում է Հայաստանի մարզերում: Ընդհանուր զննումներից հետո հարկ եղած դեպքում բնակիչներն ուղեգրվում են ԱՇՀ` խորացված հետազոտության, լազերային կամ վիրահատական բուժման համար:Հասանելի լինելու նպատակով ՀԱՆ-ը կայանում է ԱՇՀ-ն ՀՀ բոլոր մարզերի կենտրոնական քաղաքներում:
Հայկական ակնաբուժության նախագծի
(ՀԱՆ) առաքելությունն է կանխարգելել
ձեռքբերովի կուրությունը
Հայաստանում