Նորածինների վիրահատության նոր տեսակ Հայաստանում
Հատուկ բժշկական առաքելություն Հայաստան
Հայկական ակնաբուժության ծրագրի (ՀԱՆ) և ԱՄՆ Միջազգային զարգացման գործակալության «Մանկական կուրության կանխարգելման գերազանցության կենտրոն» (ՄԿԿԳԿ) ծրագիրը, որը պայքարում է մանկական կուրության դեմ կանխարգելելով անհասության ռետինոպաթիա (ԱՌ) հիվանդությունը, մոտենում է ծրագրի թերևս ամենամեծ մարտահրավեր պարունակող փուլին՝ ԱՌ վիրահատություններին, որոնք մինչև այսօր չեն իրականացվել Հայատանում և տարածաշրջանում:
Ապրիլի 28-30-ը բժշկական հատուկ առաքելությամբ ՀԱՆ-ը Հայաստան հրավիրեց բժիշկ Չեն Վոնգին (Լոնդոն, Մեծ Բրիտանիա, Moorfields Eye Hospital and Royal Free London Hospital), ով մեծ պատրաստակամությամբ համաձայնեց իրականացնել այս յուրահատուկ վիրահատությունները և վերապատրաստել հայ մասնագետներին: Բժիշկ Վոնգի այցելության ընթացքում հետազոտվեց 20 երեխա: Նրանցից չորսն ընտրվեց վիրահատություն անցկացնելու համար՝ հիմք ընդունելով մի շարք կլինիկական հանգամանքեր, այդ թվում՝ երեխայի տարիքը, հիվանդության բարդության աստիճանը, երեխայի հետագա կյանքում դրական ազդեցության հեռանկարը, և այլն:
Վիրահատությունները տեղի ունեցան Վերարտադրողական առողջության, պերինատոլոգիայի, մանկաբարձության եւ գինեկոլոգիայի հանրապետական ինստիտուտում տեղակայցված ՄԿԿԳԿ վիրահատարանում՝: Բժիշկ Վոնգին առցանց միացավ նաև Լոս Անջելեսի Մանկական հիվանդանոցի աչքի կենտրոնի տնօրեն, ամերիկյան կողմից ՀԱՆ-ի ՄԿԿԳԿ ծրագրի ղեկավար, բժշիկ Թոմաս Լին, ով կիրառելով վիրահատությունների առցանց մոնիթորինգի նորարարական մեթոդ, կարողացավ Լոս Անջելեսից առցանց հետևել իրականացվող վիրահատություներին և քննարկել դրանք վիրահատարանում գտնվող գործընկերների հետ:
Հայկական ակնաբուժության նախագծի
(ՀԱՆ) առաքելությունն է կանխարգելել
ձեռքբերովի կուրությունը
Հայաստանում
Առաջին դեպքը չորս ամսական աղջիկ երեխա էր, ով 13 շաբաթ վաղաժամկետ էր ծնվել: Երեխան ուներ ԱՌ հետևանքով առաջացած ցանցաթաղանթի չափազանց բարդ շերտազատում, ինչի պատճառով կուրությունը գրեթե անխուսափելի էր: Բժիշկ Վոնգը և ՀԱՆ-ի վիրաբույժ Թադևոս Հովհաննիսյանն իրականացրեցին շուրջ չորս ժամ տևողությամբ վիրահատություն՝ օգտագործելով գերժամանակակից Lumera վիրահատական մանրադիտակը: Վնասված թաղանթները նրբորեն հեռացվեցին գերստույգ միկո-մանիպուլյացիոն եղանակով:
Երեխաներից մնացած երեքը (5 ամսական, 7 ամսական և 5 տարեկան) ունեին ցանցաթաղանթի և ոսպնայկի տարբեր խնդիրներ, որոնք նույնպես համապատասխան վիրահատական միջամտության ենթարկվեցին:
Ապրիլի 29-ին «Նոյան Տապան» տեղեկատվական կենտրոնում կայացած մամլո ասուլիսի ժամանակ իրականացված վիրահատությունների շուրջ մեկնաբանություններ և դրվագներ ներկայացրեցին բժիշկ Չեն Վոնգը, բժիշկ Ռոջեր Օհանեսյանը (ՀԱՆ Նախագահ), Պրոֆ. Ալեքսանդր Մալայանը (ՀՀ գլխավոր ակնաբույժ, ՀԱՆ բժշկական տնօրեն), Պրոֆ. Ռազմիկ Աբրահամյանը (ՀՀ գլխավոր մանկաբարձ-գինեկոլոգ, Վերարտադրողական առողջության, պերինատոլոգիայի, մանկաբարձության եւ գինեկոլոգիայի հանրապետական ինստիտուտի տնօրեն) և Նունե Եղիազարյանը (ՀԱՆ-ի հայաստանյան գրասենյակի տնօրեն):
«ԱՌ և ռետինալ համշխարհային առաջատար մասնագետների ներգրավումը ծրագրում ԱՌ հիվանդության բուժումը տեղափոխում է մի հարթություն, որը շուտով հուսով ենք թույլ կտա Հայաստանը որակավորել որպես տարածաշրջանային կենտրոն: Ծրագիրը միտված է գերազանցություն ապահովել թե բուժման և թե բուժսպասարկան պարագայում: Հուսով ենք, որ հետևելով իրենց միջազգային գործընկերներին, հայ մասնագետները կշարունակեն հաջողությամբ վիրահատություններ իրականացնել Հայաստանում»,- ասաց ՀԱՆ նախագահ Ռոջեր Օհանեսյանը:
Բժիշկներ Թադևոս Հովհաննիսյանը և Հասմիկ Շահնազարյանը ՀԱՆ-ի կողմից լիազորված վիրավույժներն են, ովքեր կվիրահատեն Հայաստանում և տարածաշրջանի այլ երկրներում ԱՌ և այլ հարակից հիվանդություններով ախտորոշված և վիրահատության կարիք ունեցող երեխաներին:
