1/35

12-րդ  միջազգային ակնաբուժական համաժողով

12-րդ  միջազգային ակնաբուժական համաժողովի մեկնարկով Հայկական ակնաբուժության նախագիծը ԱՄՆ ՄԶԳ հետ համատեղ սկսեց  նոր ծրագիր` «Մանկական կուրության կանխարգելման գերազանցության կենտրոն», ինչպես նաև ամփոփեց  20-ամյա գործունեության արդյունքները:


Համաժողովը բացվեց ՀՀ կառավարության, ՀՀ առողջապահության նախարարության, ԱՄՆ դեսպանատան և ԱՄՆ միջազգային զարգացման գործակալության բարձրաստիճան պաշտոնյաների ներկայությամբ:  Ողջույնի խոսքով հանդես եկան ՀՀ-ում ԱՄՆ դեսպան Ջոն Հեֆերնը և ՀՀ առողջապահության նախարար Դերենիկ Դումանյանը: Ընթերցվեց  նաև ՀՀ վարչապետ Տիգրան Սարգսյանի ուղերձը համաժողովի մասնակիցներին:



Երկօրյա համաժողովի մասնակիցներն էին ակնաբուժական ոլորտի անվանի փորձագետներ ԱՄՆ-ից, Եվրոպայից, Լիտվայից  և ԱՊՀ երկրներից, ինչպես նաև բազմաթիվ ակնաբույժներ, ակնաբուժական հիմնարկների ղեկավարներ, նեոնատոլոգներ, նեոնատալ բուժքույրեր և հարակից ոլորտների այլ մասնագետներ Հայաստանից: 

 

Ներբեռնել 12-րդ միջազգային ակնաբուժական համաժողովի մասնակիցների գիտական աբստրակտները

 

  



Համաժողովը կազմակերպվել էր ԱՄՆ միջազգային զարգացման գործակալության (ԱՄՆ ՄԶԳ) և Հայկական ակնաբուժության նախագծի (ՀԱՆ) համատեղ «Մանկական կուրության կանխարգելման գերազանցության կենտրոն» ծրագրի շրջանակներում` ՀՀ առողջապահության նախարարության և «Գեբաուեր» շվեյցարական հիմնադրամի աջակցությամբ:



Համաժողովի առաջին օրը նվիրված էր մանկական կուրության կանխարգելման և անհասության ռետինոպաթիա (ԱՌ) հիվանդության դեմ պայքարի խնդիրներին, ինչպես նաև ԱՄՆ ՄԶԳ/ՀԱՆ «Մանկական կուրության կանխարգելման գերազանցության կենտրոն» ծրագրի շրջանակում նախատեսված աշխատանքներին:

Հայկական ակնաբուժության նախագծի
(ՀԱՆ)  առաքելությունն է կանխարգելել
ձեռքբերովի կուրությունը
Հայաստանում

To play, press and hold the enter key. To stop, release the enter key.

Գերազանցության կենտրոնի առաքելությունն է կանխարգել մանկական կուրությունը` ձևավորելով ակնաբուժական մասնագիտացված կարողություն Հայաստանում և տարածաշրջանում: Կենտրոնը նաև ծառայելու է տարածաշրջանում բժիշկների միջև գիտելիքների փոխանակմանը և հմտությունների կատարելագործամը:

 

«ՀԱՆ-ին ընձեռնվել է հիանալի հնարավորություն առաջինը տարածաշրջանում հիմնել մանկական կուրության կանխարգելման գերազանցության կենտրոն:  Ըստ նախնական պայմանավորվածության` կենտրոնը որպես այդպիսին կսկսի գործել մեկ տարվա ընթացքում` Պերինատոլոգիայի, մանկաբարձության և գինեկոլոգիայն ինստիտուտում»,- ասաց ՀԱՆ-ի հիմնադիր-նախագահ Ռոջեր Օհանեսյանը:



Սկզբնապես Գերազանցության կենտրոնը կենտրոնանալու է ԱՌ և նմանատիպ հիվանդությունների  հետևանքով մանկական կուրության կանխարգելման բուն խնդիրների վրա: Այս նպատակին հասնելու համար աշխատանքներ են իրականացվելու նորածնային խնամքի ոլորտը բարելավվելու և ՀՀ մարզերի հետ համագործակցությունը ամրապնդվելու շուրջ:



Համաժողովի երկրորդ օրը (սեպտեմբերի 15-ը) նվիրված էր ՀԱՆ-ի 20-ամյա հոբելանին:  Մասնակիցները ներկայացրեցին Հայաստանի և ԱՄՆ ակնաբույժների սերտ համագործակցության շնորհիվ ստացված ազդեցիկ ձեռքբերումները, ինչպես նաև խոսեցին ՀԱՆ-ի բազմաթիվ  հովանավորների,  գործընկերների, Աչքի շարժական հիվանդանոցի աշխատանքների մասին, առանց որոնց հնարավոր չէր լինի օգնել բազամահազար թվով մարդկանց Հայաստանում: Եղան նաև գիտական և վիճակագրական հետաքրքիր ելույթներ:

Հատուկ այս առիթով ՀԱՆ-ը հրատարակել է հոբելյանական գրքույկ «Հիշարժան պահեր` 20 տարի լույս հայի աչքերին», որի հնարավոր է ծանոթանալ այստեղ`

  • s-facebook
  • s-youtube
  • s-tbird