ՀԱՅԿԱԿԱՆ ԱԿՆԱԲՈՒԺՈՒԹՅԱՆ ՆԱԽԱԳԻԾ
All Rights Reserved © The Armenian EyeCare Project
Կարողությունների զարգացում
ՀԱՆ-ը և նրա գործընկերները նպատակ ունեն Հայաստանն ակնաբուժության առաջատար կենտրոն դարձնել ողջ տարածաշրջանում: Կարողությունների զարգացման անկյունաքարերն են գիտելիքների փոխանցումը և ծառայությունների համակարգային հիմնումը:
Կարողությունների զարգացմանն է միտված Մալայանի անվան ակնաբուժական և Քանաքեռ-Զեյթուն բժշկական կենտրոններում հինգ մասնագիտացված կլինիկաների ստեղծումը և վերազինումը: Դրանք են` վիտրեո-ռետինալ, գլաուկոմայի, եղջերաթաղանթի և ուվեիտի, նյարդա-ակնաբուժության և օրբիտալ
վիրահատությունների, և ցածր տեսողության կլինիկաները:
ՀԱՆ-ի կրթական փոխանակման ծրագրի շնորհիվ ԱՄՆ-ի ակնաբուժական լավագույն կլինիկաներում
վերապատրաստում է անցել հայաստանցի ինը ակնաբույժ, ովքեր այժմ ղեկավարում են վերոհիշյալ մասնագիտական բաժանմունքները և ստացված փորձն ու գիտելիքները հաղորդում իրենց գործընկերներին և ուսանողներին:
2010 թ. ՀԱՆ-ն իրականացնում է «Անհասության ռետինոպաթիայի (ԱՌ) ակնային զննումների և բուժման ազգային ծրագիրը», որը 2012 թ. իր շարունակությունը ստացավ ՀԱՆ-ն ԱՄՆ ՄԶԳ և ՀՀ առողջապահության նախարարության աջակցությամբ «Մանկական կուրության կանխարգելման գերազանցության կենտրոն» եռամյա ծրագրի շրջանակներում: ՀԱՆ-ը կստեղծի մանկական կուրության կանխարգելման գերազանցության կենտրոն, որի տեսլականն է մասնագիտացված ակնաբուժական ծառայությունները հասանելի դարձնել Հայաստանի և տարածաշրջանի երեխաներին, ինչպես նաև կանխագելել ԱՌ հիվանդության հետևանքով մանկական կուրությունը:
Շարունակվում է նաև ՀԱՆ-ի կողմից համակարգվող հեռաբժշկության ծրագիրը: Այս նախաձեռնութան շնորհիվ հայ և ամերիկացի մասնագետները մշտական կապի մեջ են և խորհրդակցում են Հայաստանում հանդիպող ԱՌ բոլոր դեպքերի շուրջ:
Հայկական ակնաբուժության նախագծի
(ՀԱՆ) առաքելությունն է կանխարգելել
ձեռքբերովի կուրությունը
Հայաստանում