1/6
Վիկտորիա Ասոյան, 1.5 տ.

Վիկտորիան սպասված երեխա էր ընտանիքում: Սա նրա մայրիկի, Էմմայի առաջին հղիությունն էր, իսկ նա միակ երեխան էր՝ տասը տարի մտատանջող սպասումներից ու ակնկալիքներից հետո: Հղիույթան ամբողջ ընթացքը ծանր էր՝ բազմաթիվ բարդություններով լի: Վիկտորիան ծնվեց կեսարյան հատման միջոցով:Նրա մոտ բժիշկներն Անհասության ռետիոնպաթիա (ԱՌ) հայտնաբերեցին: Բացի այդ նա թոքերի խնդիրներ ուներ:

 

Հայկական ակնաբուժության նախագծի
(ՀԱՆ)  առաքելությունն է կանխարգելել
ձեռքբերովի կուրությունը
Հայաստանում

Մենք հանդիպեցինք Վիկտորիայի հայրիկին, Ռոբերտին, ում խնդրեցինք ներկայացնել նրա և տիկնոջ ապրումները երեխայի ծննդյան պահին,- «Վիկտորիան մեր առաջնեկ է: Ամուսնանալուց անմիջապես հետո մենք շատ էինք ուզում երեխա ունենալ: Սակայն բոլոր մեր ջանքերն ապարդյուն էին: Տասը տարվա մեր սերն ու հավատն օգնեցին մեզ պահպանել մեր ընտանիքը և հուսալ որ մեկ օր անպայման երեխա կունենանք: Վերջապես, բազմաթիվ խորհրդատվություններից և բուժումներից հետո Էմման հղիացավ: Մի շարք հանգամանքներով պայմանավորված` մեր երեխան վաղահաս ծնվեց: Նա շատ թույլ էր: Սա իսկապես բարդ ժամանակաշրջան էր Էմմայի և մեր դստեր համար: Մենք նրան Վիկտորիա անվանցինք՝ բոլոր բարդություններն ու հիվանդությունները հաջողությամբ հաղթահարելու համար», ասաց Ռոբերտը:

Վիկտորիայի ակնային հետազոտությունը անցկացրեց բժիշկ Նունե Երկանյանը, իսկ լազերային միջամտությունը՝ բժիշկ Թադևոս Հովհաննիսյանը: Վիկտորիայի երկու աչքերը վիրատավեցինª կանխելով ցանցաթաղանթի հետագա շերտազատումը և կուրությունը:



 

Մենք Վիկտորիայի հայրիկին խնդրեցինք նաև ներկայացնել երեխայի ախտորոշման և բուժման ընթացքում կուտակված տպավորությունները: ՙՎերակենդանացման բաժանմունքի աշխատակիցը մեզ տեղեկացրեց երեխայի խնդրի մասին: Ասաց, որ նրա մոտ ակնային զննումների ժամանակ ԱՌ է հայտնաբերվել և վիրահատություն է անհրաժեշտ:  Ճիշտն ասած գիտեի, որ նմանատիպ զննումներ են իրականացվում տեղում: Երեխան արդեն բաժանմունքում էր, երբ Ձեր կազմակերպության բժշկական խումբը այցելեց այստեղ: Վիկտորիան շատ փոքր էր և պետք է մեծանար, որպեզի նրան էլ հետազոտեին: Քանի որ երեխային հաճախ էի այցելում, ապա հնարավորություն ունեի պարբերաբար հանդիպելու արդեն բուժում ստացող այլ նորածինների ծնողներին: Դրական կարծիքները և արդյունքերը տեսնելով՝ ես հեշտությամբ համաձայնեցի Վիկտորիայի վիրահատությանը»:



Որոշ ժամանակ անց Ս. Մալայանի անվան ակնաբուժական կենտրոնում մենք կրկին անգամ հանդիպեցինք Ասոյաների ընտանիքին՝ հերթական պլանային  ակնային զննումների ժամանակ: Վիկտորիան արդեն նորմային համապատասխան քաշ էր հավաքել և իրեն շատ լավ էր զգում: Ի պատասխան մեր հարցումներին, Ռոբերտ ասաց,-«Հիմա, երբ արդեն տեսնում եմ հաջող արդյունքը, միայն կարող եմ ասել, որ իմ երեխայի հետ բարձրակարգ մասնագետներ են աշխատել:  Խոսքեր չունեմ Ձեր կազմակերպությանն իմ շնորհակալությունը հայտնելու համար»:

  • s-facebook
  • s-youtube
  • s-tbird