Արմավիրի մարզով ավարտվեց Հայկական ակնաբուժության նախագծի (ՀԱՆ) և Orange Հիմնադրամի 2012 թ. ծրագիրը, որի նպատակն էր ՀՀ մարզերի բնակիչների համար անցկացնել անվճար ակնային զննումներ և իրականացնել բուժումներ սոցիալապես անապահով անձանց համար:

ՀԱՆ-ի և Orange Հիմնադրամի 2011 - 2012 թթ. համատեղ ծրագերի արդյունքում  Հայաստանի վեց մարզերում` Արագածոտնում, Շիրակում, Սյունիքում, Վայոց Ձորում, Արարատում և Արմավիրում անվճար բժշկական ծառայություններից օգնվել են 23,364  մեծահասակներ և 5,783  երեխաներ: Աչքի շարժական հիվանդանոցում խորացված հետազոտություն են անցել 3,055  բնակիչներ, որոնցից 1,900-ն ստացել են անվճար վիրահատություններ և լազերային բուժումներ: Դուրս է գրվել 10,939 ակնոց:

​

ՀՀ մարզերի 36 դպրոցներում 1,944  երեխաներ մասնակցել են աչքի խնամքի հանրակրթական դասընթացների:

ՀԱՆ-ին հաճելի է արձանագրել, որ համագործակցության արդյունքները զգալի կերպով գերազանցել են նախանշված թիրախները:

​

​

​

​

​

​

​

​

​

​

​

​

​

​

​

​

Ընդհանուր առմամբ 2011 - 2012 թթ. ՀԱՆ-ի աշխատանքներին Orange Հիմնադրամի ֆինանսական մասնակցությունը կազմել է 37,719,460 ՀՀ դրամ:

Ըստ ՀԱՆ-ի հայաստանյան գրասենյակի տնօրեն Նունե Եղիազարյանի,-  «Գրանցված արդյունքները փաստում են , որ ՀԱՆ-ի և Orange Հիմնադրամի համագործակցությունը զգալի  նշանակություն է  ձեռքբերում  ՀՀ բնակչության ակնային առողջության պահպանման գործում: Մենք շատ կարևորում ենք Orange Հիմնադրամի հետ համագործակցությունը, քանի որ այն մեզ համար ավելի լայնածավալ գործունեության հնարավորություն է ստեղծում: Սա ակցիա չէ, այլ երկրի բնակչությանը որակյալ ակնաբուժական ծառայություններ մատուցելու կարևոր մի նախաձեռնություն: Շնորհակալություն ենք հայտնում Orange Հիմնադրամին բազմահազար մարդկաց անունից և հուսով ենք, որ Հիմնադրամի հետ մեր համագործակցությունը կշարունակվի նաև հաջորդ տարիներին»:

Նոյեմբերի 21-ին  Վաղարշապատ այցելեց Orange Հիմնադրամի խորհրդի նախագահ Ֆրանսիս Ժելիբտերը, ով ներկա եղավ ՀԱՆ-ի Աչքի շարժական հիվանդանոցում իրականացվող ակնային զննումներին և վիրահատություններին:

«Արմավիրը վեցերորդ մարզն է, որ մենք այցելում ենք Հայկական ակնաբուժության նախագծի հետ միասին: Միասին մենք կարողացանք օգնել շատ մարդկանց. վերադարձնել աչքի լույսը:  Որպես պատասխանատու ընկերություն, որը ներառված է երկրի տնտեսական, ինչպես  նաև հասարակական և մշակութային կյանքում` մենք երջանիկ ենք նշել, որ մեր համագործակցությունը շարունակվելու է այլ մարզերում, քանի որ գիտակցում ենք, որ իրական փոփոխություն ենք բերում մարդկանց կյանքում»,- ասաց Orange Հիմնադրամի խորհրդի նախագահ Ֆրանսիս Ժելիբտերը: